اقتباس:
المشاركة الأصلية كتبت بواسطة نهير بن رخيص
بالنيابه اقولها عن القبيله = مرحبا من زارنا شرف هلابه
مرحبا واعداد مزنً سال سيله= رادم (ن) غيمه ونزل في هضابه
وعد براقً يضوح بكل ليله = غيث وسمً يتكاثف في سحابه
نكثر الترحيب ونقدم جميله = ونتشرف بالحضور بكل لابه
شاعراً اقطف زهر واجني حصيله = وفي حضور الغانميين اكبر كسابه
وربعي المضيان افخر وأنتميله = والقبايل نعم بأفعاله تشابه
صاعدين المجد مسهمهم جزيله =ويحتمون الجار الياصارت نهابه
كل جيلً وارثه يوصيه جيله = وارثينه من عصر عهد الصحابه
ومقحمين الحرب أن شبت فتيله = والكرم والطيب في ربعي زهابه
شاش رأسي والقوافي مرتهيله = بأسم ربعي افتخر بأهل المهابه
يوم خيبر فازت الصبحاء الاصيله = قصة ً بها العرب يذكر ذهابه
كون خيبر ماله اكوان(ن) مثيله = معركة حطين معاها تشابه
دمها شلال وسيوفً صقيله = كم فارس طار سيفه عن انصابه
أنتصرنا وهللن ناقض جديله = واحتمينا اذوادنا مثل الذيابه
منعها مرفوع ونفوس(ن) غليله = والسعد لنا وفارسنا تكابه
في صحيح القول وضحته دليله = ثابت التاريخ ومدون كتابه
وزبدة المهروج يفيد بقليله = ومن سأل ماتاه لقاله اجابه
ومرحبا ترحيبةً بكم جليله = وانتهي بالقاف مثل مبتدابه
صح لسانك اخوي ابو سامي قصيدة جزله
تحياتي لك
الى زائر المضيـان
العرض العادي
